Um tú ert í starvi hjá m.a. Ríkisumboðnum í Grønlandi ella Ríkisumboðnum í Føroyum, kanst tú senda inn kunning um átaluverd viðurskifti til varskógvaraskipanina hjá Statsministerienum.
Tú kanst t.d. senda inn kunning um revsiverd viðurskifti, grov ella endurtikin brot á lóggávuna, grov ella endurtikin brot á fyrisitingarlig prinsippir ella týðandi innanhýsis leiðreglur, grovar persónsviðvíkjandi ósemjur á arbeiðsplássinum, seksuella eyðmýkjan, og tilætlaða villeiðing av borgarum og samstarvsfelagum.
Tú ert sum starvsfólk hjá Ríkisumboðunum ikki fevnd/ur av varskógvaralógini, sum kom í gildi tann 17. desembur 2021. Frágreiðingar verða tískil viðgjørdar eftir fyrr galdandi felags vegleiðingini fyri varskógvaraskipanir á økinum hjá ríkinum, sum tú kanst finna her. Her kanst tú m.a. lesa um atgongdina hjá øðrum at fáa skjalainnlit í títt navn og rættindi hjá tí persóni, sum frágreiðing verður latin um.
Um tú ynskir at vera dulnevnd/ur, skalt tú ikki upplýsa navn títt ella annað persónligt, sum t.d. bústað ella telefonnummar – heldur ikki í møgulig viðheft skjøl.
Tað kann verða neyðugt hjá Statsministerienum at seta tær fleiri spurningar í førum, har málið ikki kann metast at vera nóg væl upplýst, ella at vegleiða teg í førum, tá Statsministeriet ikki kann metast at vera rætti móttakari av frágreiðingini. Um tú ikki tilskilar samskiftisupplýsingar, kann Statsministeriet bert seta seg í samband við teg, um tú leypandi ritar inn á tann talgilda varskógvaraportalin og svarar møguligum spurningum. Fyri at kunna gera hetta, er tað umráðandi, at tú á tryggan hátt goymir tað 16-tals langa loynitalið, sum kemur fram eftir at frágreiðingin er send inn.
Tú kanst finna varskógvaraskipanina hjá Statsministerienum her.
