Kann eg fáa fría málførslu, um eg t.d. havi eina rættarhjálpartrygging?

Nei, frí málførsla fæst ikki í málum, sum kunnu verða rindað umvegis eina trygging. Tískil skalt tú kanna, um tú ert fevnd/ur av eini rættarhjálpartrygging ella aðrari trygging, sum rindar útreiðslur í samband við rættarhjálp, áðrenn tú letur Ríkisumboðnum eina umsókn um fría málførslu.

Um tú ert fevnd/ur av eini trygging, sum inniheldur rættarhjálp, men títt tryggingarfelag sýtir at rinda útreiðslurnar til málførsluna, skalt tú minnast til at skjalfesta sýtingina og lata Ríkisumboðnum hana saman við umsóknini um fría málførslu.