Hvørji skjøl tørvar Ríkisumboðnum í samband við mína umsókn?
Málsviðgerðin av tíni umsókn um fría málførslu er treytað av, at tú letur Ríkisumboðnum niðanfyristandandi skjøl:
- Endaligu skattauppgerð tína fyri 2022
- Endaligu skattauppgerð hjúnafelaga/samliva tíns fyri 2022
- Lønarseðlar ella samsvarandi tínar og hjúnafelaga/samliva tíns fyri seinastu tríggjar mánaðirnar, um tín/tykkara inntøka hevur broytt seg munandi síðan 2022
- Upplýsing um, hvørt tú ert fevnd/ur av eini rættarhjálpartrygging ella aðrari trygging, umframt hvørt tryggingarfelagið rindar málsins útreiðslur. Sýtir tryggingarfelagið at rinda málsins útreiðslur, tørvar tær eitt avrit av sýtingini
- Upplýsing um mótpartsins navn og bústað
- Upplýsing um, hvat málið snýr seg um (málsfrágreiðing)
- Upplýsing um, hvørjum úrsliti tú ynskir at røkka (málskrav)
- Upplýsing um, hví tú heldur, at titt ynski um málsins úrslit er tað rætta (málsgrundir)
- Upplýsing um, hvussu mótparturin fyriheldur seg til títt málskrav (t.d. rættargangsrit, avrit av brøvum frá mótpartinum ella samsvarandi)
- Møguliga stevning/stevningsuppkast ella svarrit, umframt møgulig onnur rættargangsrit (t.d. replik og duplik)
- Í málum mótvegis almennum myndugleikum, ella tá nevndaravgerðir o.l. verða løgd fyri rættin, somuleiðis avrit av avgerð myndugleikans ella nevndarinnar.
- Í málsskotsmálum, avrit av dóminum frá 1. rættarstigi.