Í løtuni eru tveir møguleikar fyri borgarar í Føroyum at fáa MitID:
- Til ber at fáa MitID umvegis MitID appina. Her krevst gildugt pass og ein snildfon, sum kann lesa flísina í passinum.
- Um tú lýkur samleikatreytirnar, ber eisini til at fáa MitID á Ríkisumboðnum, við at bíleggja tíð til hetta.
Stovna MitID umvegis MitID appina
Fyri at stovna MitID umvegis MitID appina, skalt tú nýta:
- Gildugt pass
- Eina snildfon, sum kann lesa flísina í tínum passi (NFC-lesara).
Hetta kunnu flestu Android-telefonir og iPhone-modellini 7 og uppeftir. Um tín snildfon ikki hevur henda eginleika, ber til at læna eina telefon frá einum øðrum, til at skráseta teg sum brúkara. Herefter kanst tú leggja MitID appina á tína egnu telefon. Les meira á MitID.dk, har tú eisini kanst síggja eitt sjónband, ið vísir hvussu: MitID.dk/fa-mitid-med-app
Soleiðis gert tú:
- Tak niður MitID appina frá App Store eller Google Play
- Lat upp MitID appina
- Trýst á ’Kom i gang’ og fylg stigunum. Við passinum prógvar tú, hvør tú ert. Eins og við passeftirliti á flogvallum, samanber appin andlit títt við passmyndina. Upplýsingarnar um teg verða bert nýttar til hetta – og verða ikki goymdar. Tú verður vegleidd/ur, so hvørt tú fylgir stigunum í MitID appini.
Gev gætur:
Um tú hevur danskt pass við cpr-nummari í teiginum ’Personnummer’, skalt tú velja danskt pass og ikki sláa títt cpr-nummar inn.
Um tú hevur danskt pass uttan cpr-nummar í teiginum ’Personnummer’ ella føroyskt pass, skalt tú velja ”Andet land” og sláa títt cpr-nummar inn.
Sjónbandsvegleiðing: Soleiðis fært tú MitID við passi og MitID appini.
Vegleiðing: Hevur tú trupulleikar, við at lesa pass og andlit?
Les meira um, hvussu tú fært MitID umvegis appina her.
