Fólkaatkvøður í Føroyum eru sama dag sum aðrastaðni í ríkinum.
Ríkisumboðið kunngerð lógaruppskotið ella lógina við fráboðan um fólkaatkvøðudagin. Kunngjørt verður í fyrsta lagi 18 yrkadagar (gerandisdagar) og í seinasta lagi 12 yrkadagar (gerandisdagar) áðrenn atkvøðudagin.
Øll, ið hava valrætt til fólkatingsval, hava rætt til at fólkaatkvøða.
Fólkaatkvøðan verður avgreidd eftir reglunum um fólkatingsval.
Á atkvøðuseðlinum skulu orðini ”Ja” og Nei” standa týðiliga yvir hvørt øðrum. Atkvøður veljarin fyri lógaruppskotinum ella lógini, setir hann krossin í ”Ja”; atkvøður veljarin ímóti lógaruppskotinum ella lógini, setir hann krossin í ”Nei”.
Til fólkaatkvøðu kann atkvøðast við brævi sambært reglunum fyri fólkatingsval.
Uppgerð og frágreiðing um úrslitið av atkvøðugreiðsluni fara fram sambært reglunum fyri fólkatingsval.
